આઈડિયા ?!- An Innovative Monthly e-Magazine in Gujarati for Creatives

"એક નાનકડો આઈડિયા વપરાય તો કરોડનો. ન વપરાય તો કોડીનો."

યસ ! આઇડિયાની દુનિયા છે જ એવી. કાં તો એકદમ મહામૂલી. યા પછી સાવ મામૂલી. સેંકડો મુશ્કેલીઓ- ચેલેન્જીઝ સામે ઝઝૂમવાલાયક બનેલા આપણા જીવનમાં આપણને જેમ ડગલેને પગલે મુશ્કેલી વેઠ્યા જેવું લાગતું હોય ત્યારે સબૂર ! ...

થોડો પોરો ખાઈને તે 'મુશ્કેલી'ઓને બરોબર પોંખવાની તક આપશો તો તેની સાથે જ આવેલા સોલ્યુશનને (આઇડિયાને) પણ સારી રીતે પોંખી અને પોષી શકશો.

પ્રોબ્લેમ્સ, પઝલ્સ વિષમ પરિસ્થિતિઓ આપણી સામે આવે છે જ એટલા માટે કે તેને 'સોલ્વ' કરવાની તાકાત પણ આપણી અંદર જ કુદરતે આપેલી છે એવું તેને પણ ખબર છે.જરૂરી એટલું જ કે તેનો એહસાસ આપણને હોય. હર ક્ષણે ઉપજતાં 'ચમકારાં'નું અંગ્રેજી નામ એટલે આઈડિયા. જેના બીજાં અર્થો કરીએ તો સોલ્યુશન, ઉપાય, ઉકેલ કે સહુલિયત કહી શકાય.

આઈડિયા ઇકૉનૉમીના આ ઝમાનામાં ફાસ્ટ અને ફ્રિ બની રહેલાં ઈન્ટરનેટને લીધે કૉમ્યુટર દ્વારા કમાણીની અવનવી તકો દરરોજ ઉભરાતી જાય છે. આઈડિયા મેગેઝિન રચવાનું એ કારણ પણ છે કે તેમાંથી ગમતી અને મોજ કરાવે તેવી કમાણી થઇ શકે. માત્ર 'આઈડિયા' ફેલાવવો એ મારો મકસદ નથી. તેમાંથી કમાણી પણ થાય તો કોઈ વાત બને. અને એ વાત માત્ર 'વાત' બનીને ન રહે બલ્કે વાતમાંથી વાતાવરણ પેદા કરે.

આખરે એ 'વાતાવરણ' પણ કોઈક ઈશ્વરીય શક્તિ દ્વારા ઉપજાવાયેલો 'આઈડિયા' જ છે ને !